OPEC: Virusa qarşı peyvəndlərin tədricən yayılması neft tələbatının artması baxımından müsbət amildir
Bakı, 4 fevral, AZƏRTAC
Virusa qarşı peyvəndlərin tədricən yayılması neft tələbatının artması baxımından müsbət amildir.
AZƏRTAC OPEC-ə istinadla xəbər verir ki, yaxın aylarda iqtisadi perspektivlər və neft tələbatı qeyri-müəyyən olaraq qalacaq. Dünyada virusa qarşı peyvəndlərin tədricən yayılması ilin qalan hissəsi üçün qlobal iqtisadiyyat və neft tələbatının artması baxımından müsbət amildir.
Qeyd edək ki, OPEC 2021-ci ildə qlobal xam neft tələbatının ötən ilə görə 5 milyon 900 min barrel (6,5 faiz) artaraq sutkada 95 milyon 910 min barrel təşkil edəcəyini gözləyir. OPEC-ə üzv ölkələrin neft tələbatı keçən ilə nisbətən 5 milyon barrel çoxalaraq gündəlik 27 milyon 200 min barrel olacaq.
Xatırladaq ki, 2020-ci ildə qlobal neft tələbatı sutkada 8,8 milyon barrel geriləyib.
Bölmənin digər xəbərləri
