Ötən il Azərbaycanda 10131 hektar sahədə meşəbərpa işləri görülmüşdür
Bakı, 1 fevral (AZƏRTAC). Ekologiya və Təbii Sərvətlər Nazirliyinin (ETSN) Meşələrin İnkişafı Departamenti tərəfindən ötən il ərzində 10131 hektar sahədə meşəbərpa, o cümlədən 2746 hektar sahədə meşə əkini və səpini işləri görülmüşdür.
ETSN-dən AZƏRTAC-a bildirmişlər ki, meşələrin təbii bərpasına kömək tədbirləri isə 7385 hektar sahədə aparılmışdır. Bundan əlavə, əkin materiallarının yetişdirilməsi məqsədi ilə tinglik sahələrində 92,28 hektarda toxum səpilmiş, böyütmə şöbəsində 3282,47 min ədəd toxmacar, kökləndirmə şöbəsində isə 799 min ədəd çilik basdırılmışdır.
Bölmənin digər xəbərləri
