PARİSİN ŞARL DE QOL HAVA LİMANINDA QƏZA BAŞ VERMİŞDİR

24.05.2004 [13:47]
Çap et
A⁺ A^-

Fransa paytaxtının şimalında yerləşən və ölkənin ən böyük hava limanı Ruasi-Şarl de Qolun 2E terminalında mayın 23-də səhər tezdən qəza baş vermişdir. Terminalın 30 metrlik bir bölməsinin uçması nəticəsində 6 nəfər hadisə yerindəcə həlak olmuş və 3 nəfər ağır yaralanmışdır. Hadisə yerinə gəlmiş yanğınsöndürənlər uçqunun altında qalması güman edilən insanların axtarışını davam etdirirlər.

Bir il bundan əvvəl istifadəyə verilmiş terminalda insan tələfatı ilə nəticələnmiş bu hadisə Prezident Jak Şirakın ciddi narahatlığına səbəb olmuşdur. Ölkə başçısı qəzanın başvermə səbəbini tezliklə aydınlaşdırılmasını və onun nəticələrinin qısa müddətdə aradan qaldırılmasını tələb etmişdir.

Nəqliyyat naziri qəzanın terror aktı ilə bağlı olması fikrini inkar etmişdir.

Hökumət tərəfindən yaradılmış xüsusi komissiya qəzanın səbəblərini araşdırmaq məqsədi ilə hadisə yerində təhqiqat aparır.