Paytaxtın Xətai rayonunun bəzi ərazilərinə içməli su fasilələrlə veriləcək
Bakı, 7 oktyabr, AZƏRTAC
Bakının Xətai rayonunun bəzi ərazilərinə içməli suyun verilməsi məhdudlaşdırılacaq.
“Azərsu” ASC-dən AZƏRTAC-a bildirilib ki, magistral su xəttində baş vermiş qəza ilə əlaqədar oktyabrın 7-də gün ərzində Xətai rayonunun Lütfi-zadə (keçmiş Telnov), Seyid Əzim Şirvani, Əliağa Şıxlinski, Səmədbəy Mehmandarov, İnqilab İsmayılov küçələrinə, Gəncə prospekti, Nəsrəddin Tusi və Şirvani küçələrinin bir hissəsinə içməli suyun verilməsində fasilələr olacaq.
Bölmənin digər xəbərləri
