Pentaqon Los-Ancelesə 700 dəniz piyadası göndərir
Vaşinqton, 10 iyun, AZƏRTAC
Pentaqon Los-Ancelesdəki etiraz aksiyalarında Milli Qvardiyaya kömək etmək üçün əraziyə 700 dəniz piyadası göndərir.
AZƏRTAC-ın məlumatına görə, heyət Cənubi Kaliforniya səhrasındakı “Twentynine Palms” bazasından yola düşüb.
ABŞ Şimal Komandanlığının açıqlamasına əsasən, dəniz piyadaları yalnız federal əmlakı, şəxsi heyəti, o cümlədən federal immiqrasiya agentlərini qorumaq üçün hadisə yerində 2100 Milli Qvardiya əsgəri ilə birlikdə xidmət aparacaq.
Bildirilir ki, dəniz piyadaları və Milli Qvardiya qoşunlarının “Posse Comitatus” Aktına əsasən hüquq-mühafizə vəzifələrini yerinə yetirməsi gözlənilmir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
