POLŞA TERRORÇULARIN TƏLƏBİ İLƏ QOŞUNLARINI İRAQDAN ÇIXARMAYACAQ

28.10.2004 [20:59]
Çap et
A⁺ A^-

AZƏRTAC Röyter agentliyinə istinadla xəbər verir ki, bunu Polşanın müdafiə naziri Yeji Şmaydzinski bəyan etmişdir. O demişdir: “Polşa terrorçuların heç bir tələbi qarşısında geri çəkilməyəcəkdir”.

Şmaydzinki həmçinin demişdir ki, polşanın qadın vətəndaşının İraqda girov götürüldüyü barədə “Əl-Cəzirə” peyk telekanalının informasiyasını təsdiq edə bilməz.

Oktyabrın 27-də bu telekanalda maskalı iki silahlı şəxsin qadını tapança ilə hədələdiyi göstərilmişdir. Qadının adı məlum deyil, lakin, telekanalın məlumatına görə, o, Polşa vətəndaşıdır.

Terrorçular girov götürdükləri bu qadını buraxmaq müqabilində Polşa hərbi kontingentinin İraqdan çıxarılmasını tələb etmişlər.