Qadın sablyaçılardan ibarət Azərbaycan millisi dünya çempionatında dörddəbir final mərhələsinə yüksəlib
Bakı, 29 iyul, AZƏRTAC
İyulun 29-da İtaliyanın Milan şəhərində keçirilmiş qılıncoynatma üzrə dünya çempionatında qadın sablyaçılar arasında komanda yarışına start verilib.
Azərbaycan Qılıncoynatma Federasiyasının mətbuat xidmətindən AZƏRTAC-a bildiriblər ki, Anna Başta, Səbinə Kərimova, Palina Kaspiaroviç və Valeriya Bolşakovadan ibarət kollektiv ən güclü 16-lığa yüksəlmək uğrunda keçirilən görüşdə Argentina millisinə 45:33 hesabı ilə qalib gəlib. Millimiz növbəti görüşdə Almaniya yığmasını 45:32 hesabı ilə məğlub edərək dünya çempionatında ən güclü 8-liyə yüksəlib.
Komandamız iyulun 30-da yarımfinala yüksəlmək uğrunda keçiriləcək görüşdə Koreya seçmə kollektivi ilə qarşılaşacaq.
Bölmənin digər xəbərləri
