İQTİSADİYYAT
“Qafqaz İnkişaf Bankı”nın balansındakı daşınmaz əmlak təkrar açıq hərraca çıxarılacaq
Bakı, 29 iyul, AZƏRTAC
Avqustun 17-də “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “Qafqaz İnkişaf Bankı” ASC-nin balansındakı daşınmaz əmlak 2-ci dəfə təkrar açıq hərraca çıxarılacaq.
Fonddan AZƏRTAC-a bildirilib ki, daşınmaz əmlak Bakı şəhəri, Xətai rayonu, İnqilab İsmayılov küçəsi 44 ünvanında yerləşən 0,8105 hektar torpaq sahəsidir. Daşınmaz əmlakın ilkin satış qiyməti 3 milyon manatdır. Hərrac addımı ilkin satış qiymətinin 3 faizi qədərdir. Satış qiymətinin 5 faizi həcmində beh hərrac tarixinə ən azı 5 gün qalmış hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir. Açıq hərracda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri.
Ünvan: Bakı şəhəri, Səbail rayonu, Badamdar qəsəbəsi, Badamdar şosesi 27.