“Qalatasaray” və “Fənərbağça”nın sabiq voleybolçusu Azərbaycan klubunda
Bakı, 31 iyul, AZƏRTAC
Azərbaycan Yüksək Liqasında çıxış edən “Ordu” voleybol komandası növbəti transferini reallaşdırıb.
Klubun mətbuat xidmətindən AZƏRTAC-a verilən məlumata görə, Bakı təmsilçisi Kuba voleybol məktəbinin yetirməsi, təcrübəli hücumçu Salvador İdalqo Oliva ilə müqavilə imzalayıb.
O, Türkiyədə “Qalatasaray” və “Fənərbağça”nın da formasını geyinib.
Qeyd edək ki, “Ordu” bundan əvvəl İtaliya millisinin sabiq üzvü, dünya voleybolunun tanınmış simalarından İvan Zaytsevlə müqavilə bağlayıb.
Bölmənin digər xəbərləri
