“Qarabağ” - “Rakuv” oyununun biletləri satışa çıxarılıb
Bakı, 25 iyul, AZƏRTAC
Bakıda Ağdamın “Qarabağ” və Polşanın “Rakuv” komandaları arası keçiriləcək UEFA Çempionlar Liqasının ikinci təsnifat mərhələsinin cavab oyununun biletləri satışa çıxarılıb.
AZƏRTAC xəbər verir ki, qiymətlər müvafiq olaraq 5, 20, 30 və 75 manatdır.
Azarkeşlər biletləri “Iticket.az”ın satış məntəqələrindən (iticket.az-da onlayn satış) və klubun “Park Bulvar”dakı fan-şopundan əldə edə bilərlər.
Qeyd edək ki, avqustun 2-də Bakı Olimpiya Stadionunda oynanılacaq qarşılaşma saat 20:00-da başlayacaq. Polşadakı ilk görüş iyulun 26-da olacaq.
Bölmənin digər xəbərləri
