Naxçıvan Muxtar Respublikası Ali Məclisinin təşəbbüsü ilə Culfa rayonundakı Bənəniyar kəndinin sakini, Qarabağ müharibəsi əlili Zaur Həsənov üçün fərdi ev tikilmişdir. 

Rayon İcra Hakimiyyətindən AZƏRTAC-ın müxbirinə demişlər ki, hər cür şəraiti olan ev mebel və zəruri məişət əşyaları ilə təchiz olunmuşdur.

Bu münasibətlə keçirilən mərasimdə Naxçıvan Ali Məclisinin sədri Vasif Talıbov çıxış edərək Zaur Həsənova xoşbəxt həyat və ailə səadəti arzulamışdır.

Təzə evin sahibi əlil döyüşçülərə göstərdiyi qayğıya görə Azərbaycan Prezidenti Heydər Əliyevə, muxtar respublikanın rəhbərliyinə minnətdarlığını bildirmişdir.