QARS MÜQAVİLƏSİ İMZALANMASININ 85 İLLİYİQEYD EDİLMİŞDİR
Tədbir həmin müqaviləyə Türkiyə dövləti tərəfindən imza atmış Kazım Qarabəkir Paşanın heykəli önündən başlanmışdır. Kazım Paşanın xatirəsini ehtiramla yad edən mərasim iştrakçıları abidənin önünə əklillər və gül dəstələri düzmüşlər.
Baş konsul Həsən Zeynalov mərasimdə çıxış edərək Qars müqaviləsinin əhəmiyyətindən danışmış, qeyd etmişdir ki, 85 il bundan əvvəl imzalanmış bu sənəd Naxçıvanın Azərbaycanın tərkibində tarixi müqəddəratını həll etmişdir. Ümummilli lider Heydər Əliyevin 2002-ci il iyunun 28-də Qars şəhərinə səfərini, ulu öndərin Qafqaz Universitetinin fəxri doktoru diplomunun təqdim edilməsi mərasimindəki parlaq nitqini xatırlatmış və dünya şöhrətli siyasi xadimin Qars müqaviləsi, Azərbaycan-Türkiyə dostluğu və qardaşlığı haqqında söylədiyi fikirləri yada salmışdır.
Mərasimdə Qarsda fəaliyyət göstərən “Yeni Azərbaycan yardımlaşma və kültür” dərnəyinin sədri professor Hacali Nəcəfoğlu və başqaları çıxış etmişlər.
Sonra Qars müqaviləsinin imzalandığı tarixi binanın önündə davam etdirilən mərasimdə Baş Konsulluğun əməkdaşları, şəhər bələdiyyəsinin üzvləri, ictimaiyyətin nümayəndələri, burada yaşayan azərbaycanlılar iştirak etmişlər.
Bölmənin digər xəbərləri
