Qaxda baş vermiş yanğının meşə ərazisinə keçməsinin qarşısı alınıb
Bakı, 30 iyul (AZƏRTAC). İyulun 30-da Qax rayonunun Alatəmir kəndində meşə torpaqları ilə sərhəddə yerləşən kənd bələdiyyəsinə məxsus ərazidə yanğın hadisəsi baş verib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, dərhal əraziyə cəlb olunmuş Qax Meşə Mühafizəsi və Bərpası Müəssisəsinin və Fövqəladə Hallar Nazirliyinin Yanğından Mühafizə Xidmətinin əməkdaşlarının birgə səyləri nəticəsində yanğının qarşısı tam alınaraq alovun meşə torpaqlarına keçməsinə imkan verilməyib.
Hadisə nəticəsində biçilmiş taxıl sahələri və kol örtüyünə ziyan dəyib.
Bölmənin digər xəbərləri
