Qazaxıstan hərbi təlimlərdə müşahidəçi qismində iştirak edəcək
Nur-Sultan, 13 oktyabr, AZƏRTAC
Qazaxıstan pandemiya dövründə beynəlxalq hərbi təlimlərdə iştirak formatını dəyişir.
Qazaxıstan hərbçiləri KTMT və digər birliklər çərçivəsində bu il üçün əvvəlcədən planlaşdırılmış təlimlərdə yalnız müşahidəçi qismində iştirak edəcəklər.
AZƏRTAC xəbər verir ki, Qazaxıstan Müdafiə Nazirliyinin bildirdiyinə görə, koronavirus pandemiyası səbəbindən ölkədə 2020-ci il üçün nəzərdə tutulan bütün təlimlərin təkliflərinə yenidən baxılıb.
"Qafqaz-2020" təliminə 12 hərbçinin göndərilməsi planlaşdırılır. “Qarşılıqlı hərəkət-2020" təliminə 11 zabit göndəriləcək.
Qazaxıstanın yeddi zabiti müşahidəçi qismində silahsız və texnikasız Belarusda keçirilən "Sarsılmaz qardaşlıq-2020" təlimlərində iştirak edəcək.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
