AZƏRTAC-ın Astanadan aldığı xəbərə görə, Qazaxıstan Afina Olimpiya oyunlarında qızıl medallar qazanacaq idmançılarına 100 min dollar məbləğində mükafat verəcəkdir. Bunu Qazaxıstan hökumətinin iclası başa çatdıqdan sonra Respublika Turizm və İdman Agentliyinin sədri Dövlət Turlıxanov bildirmişdir.

Gümüş medallara görə 50 min, bürünc medallara görə 30 min dollar veriləcək, dördüncü, beşinci və altıncı yerləri tutmuş idmançılar isə müvafiq olaraq 10 min, 5 min və 3 min ABŞ dolları məbləğində mükafat alacaqlar. İdmançılarla yanaşı onların məşqçiləri də mükafatlandırılacaqdır. Turlıxanov demişdir ki, “hazırda Qazaxıstanın 114 idmançısı Olimpiadada idmanın 19 növü üzrə yarışlarda iştirak etmək hüququ qazanmışdır”.