“QAZAXISTAN-ZAMAN” QƏZETİNDƏ XOCALI SOYQIRIMINA DAİR MƏQALƏ ÇAP OLUNMUŞDUR
AZƏRTAC-ın xüsusi müxbiri xəbər verir ki, Almatıda qazax dilində çap olunan “Qazaxıstan-Zaman” qəzetində Xocalı soyqırımı ilə əlaqədar “Qanlı Qarabağ qırğını - Xocalı faciəsi” adlı bir səhifəlik geniş material çap eedilmişdir.
Məqalədə Ermənistan-Azərbaycan, Dağlıq Qarabağ münaqişəsinin yaranma səbəbləri, Azərbaycan torpaqlarının 20 faizinin işğal olunması və bunun nəticəsində 900-dən artıq yaşayış məntəqəsinin talan edilməsi, 464 tarixi abidə və muzey, 100-dən artıq arxeoloji abidənin dağıdılması, 40 mindən çox qiymətli əşya və nadir eksponatın qarət edilməsi haqqında məlumat verilmiş, Azərbaycan tərəfinin münaqişənin sülh yolu ilə həlli istiqamətində təşəbbüslərindən söhbət açılmışdır.
Məqalədə deyilir: “Xocalı işğal olunarkən bir gecədə 613 nəfər, o cümlədən 63 uşaq, 106 qadın, 70 qoca xüsusi amansızlıqla işgəncə verilərək öldürülmüş, onların başı kəsilmiş, gözləri çıxarılmış, hamilə qadınların qarnı dəlmə-deşik edilmişdir”.
Məqalədə Xocalı soyqırımını əks etdirən fotoşəkillər də verilmişdir.
Bölmənin digər xəbərləri
