Bakı, 10 iyul, AZƏRTAC

Futbol üzrə UEFA Avropa Liqasının ikinci təsnifat mərhələsinin ilk oyunu çərçivəsində keçiriləcək “Qəbələ”-“Yagelloniya” (Polşa) oyununun biletləri satışa çıxarılıb.

AZƏRTAC xəbər verir ki, biletləri Tofiq Bəhramov adına Respublika stadionunun və “Bakcell Arena”nın (8-ci km stadionu) kassalarından almaq olar. Qiymətlər sektorlardan asılı olaraq, 1-2, VİP sektorlar üçün isə 10 manatdır.

Qeyd edək ki, iyulun 13-də “Bakcell Arena”da keçiriləcək “Qəbələ”-“Yagelloniya” matçı saat 21:00-da başlayacaq.