RAYON MƏHKƏMƏSİ QIRĞIZISTAN PARLAMENTİNİN DEPUTATINI İTTİHAM ETMİŞDİR
Qırğızıstan parlamentinin aşağı palatasının deputatı Arslan Maliyev parlamentin iclaslarında ölkənin hakimlərini və məhkəmə orqanlarını tənqid etdiyi üçün Bişkekin Lenin rayonunun hakimləri deputatı məhkəməyə vermiş, şərəf və ləyaqətlərini təhqir etdiyi üçün A.Maliyevdən 150 min som (3500 dollar) kompensasiya tələb etmişlər.
AZƏRTAC-ın xüsusi müxbiri xəbər verir ki, paytaxtın Oktyabr rayon məhkəməsi işə baxaraq deputatı təqsirkar hesab etmiş, noyabrın 21-dək 150 min somun zərərçəkənlərin xeyrinə ödənilməsi haqqında qərar çıxarmışdır.
Arslan Maliyevin bir qrup deputat həmkarı bundan hiddətlənmiş və dünya parlamentinə, beynəlxalq ictimaiyyətə müraciət qəbul etmişlər.
Bölmənin digər xəbərləri
