“Real Madrid”in müdafiəçisi Eder Militao “El Klasiko”nu buraxacaq
Bakı, 14 oktyabr, AZƏRTAC
“Real Madrid”in müdafiəçisi Eder Militao sıradan çıxıb.
AZƏRTAC xəbər verir ki, 23 yaşlı futbolçu Braziliya yığmasının heyətində zədələnib. Dünya çempionatının seçmə mərhələsi çərçivəsində Kolumbiya (0:0) ilə qarşılaşmada sağ ayağından zədə alan Militaonun durumunun ciddi olduğu açıqlanıb. İlkin tibbi müayinədən sonra onun Çempionlar Liqasının qrup mərhələsində “Şaxtyor” və La Liqanın X turunda “Barselona” ilə qarşılaşmanı buraxacağı bildirilib. Lakin futbolçu daha bir dəfə müayinədən keçəcək.
Qeyd edək ki, oktyabrın 19-da Donetskdə “Şaxtyor”un qonağı olacaq “Real” ayın 24-də “El Klasiko”da “Barselona” ilə səfərdə üz-üzə gələcək.
Bölmənin digər xəbərləri
