“RehaPoint” Məntəqəsində 2,7 min şəxsə reabilitasiya xidmətləri göstərilib
Bakı, 29 avqust, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi Bərdə şəhərindəki Qarabağ Regional DOST Mərkəzindəki “RehaPoint”–Ambulator Reabilitasiya Məntəqəsində reabilitasiya xidmətlərini davam etdirir.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, 2023-cü il dekabrın 1-dən fəaliyyətə başlayan məntəqədə ötən dövrdə 2,7 min nəfərə ambulator şəraitdə reabilitasiya xidmətləri göstərilib.
Bölgədə yaşayan əlilliyi olan şəxslər burada ambulator formada müalicəvi bədən tərbiyəsi, əmək terapiyası, psixoloq və loqoped xidmətlərindən faydalanırlar.
Məntəqədə əlilliyi olan 300-ə yaxın şəxsə isə ehtiyaclarına uyğun olaraq 1600-dən çox reabilitasiya vasitəsi verilib.
Bölmənin digər xəbərləri
