Respublika Seysmoloji Xidmət Mərkəzinin yeni saytı istifadəyə verilmişdir
Bakı, 23 yanvar (AZƏRTAC). Azərbaycan Milli Elmlər Akademiyasının nəzdində fəaliyyət göstərən Respublika Seysmoloji Xidmət Mərkəzinin (RSXM) yeni saytı istifadəyə verilmişdir.
RSXM-in mətbuat xidmətindən AZƏRTAC-a bildirmişlər ki, saytda bu qurumun yaranması və strukturu ilə bağlı, zəlzələlərin təcili məlumat bürosu, elmi əlaqələr, xəbərlər və digər sahələr üzrə məlumatlar yerləşdirilmişdir.
Yeni saytda oxucular ölkə ərazisində baş vermiş zəlzələlər, RSXM-in 35 telemetrik seysmik stansiyası və onların yerləşdiyi ərazilərə dair ətraflı məlumat ala biləcəklər.
Saytın əlaqə bölməsində isə vətəndaşların öz fikir və təkliflərini, müraciətlərini yazmaları üçün elektron ünvan yaradılmışdır.
Bölmənin digər xəbərləri
