Robert Levandovski dünya çempionatının Avropa zonası üzrə seçmə mərhələsinin bombardiri olub VİDEO

Bakı, 11 oktyabr, AZƏRTAC

Futbol üzrə Polşa yığmasının hücumçusu Robert Levandovski dünya çempionatının Avropa zonası üzrə seçmə mərhələsinin bombardiri olub.

AZƏRTAC “sports.ru” saytına istinadla xəbər verir ki, “Bavariya” klubunun 29 yaşlı hücumçusu 10 oyuna 16 qol vurub və yeni rekord müəyyənləşdirib.

İlk üçlüyü 9 oyuna 15 qolla Portuqaliya yığmasının üzvü Kriştianu Ronaldu və 8 oyuna 11 qolla belçikalı futbolçu Romelu Lukaku tamamlayır.

Qeyd edək ki, hər üç yığma komanda - Polşa, Portuqaliya və Belçika dünya çempionatının final mərhələsinə vəsiqə qazanıb.

MÜƏLLİFLƏ ƏLAQƏ