Rusiya vətəndaşlarının növbəti qrupu İrandan təxliyə edilib VİDEO
Astara, 2 mart, İlkin Adıyev, AZƏRTAC
Rusiya Federasiyası vətəndaşlarının növbəti qrupunun İrandan Azərbaycana keçidi təmin edilib.
AZƏRTAC-ın bölgə müxbiri xəbər verir ki, müvafiq prosedurlardan sonra 15-ə yaxın Rusiya vətəndaşı “Astara” dövlət sərhədindən buraxılış məntəqəsindən təxliyə edilərək təhlükəsiz şəkildə ölkə ərazisinə daxil olub.
Bundan başqa, səhər saatlarından başlayaraq 10 Azərbaycan, 5 Çin, 4 Tacikistan və 20-yə yaxın Pakistan vətəndaşının da təxliyəsi həyata keçirilib.
Təxliyə olunan şəxslər sərhəd-keçid məntəqəsində sənəd yoxlanışı və qeydiyyat prosedurlarından keçirildikdən sonra xüsusi avtobuslar ilə təyinat yerlərinə yönləndiriliblər.
Təxliyə iştirakçıları onlara göstərilən diqqət, qayğı və qonaqpərvərlik üçün Azərbaycan dövlətinə və xalqına təşəkkürlərini bildiriblər.
Bölmənin digər xəbərləri
