Rusiyanı “Eurovision-2021” yarışmasında tacik əsilli müğənni Manizha təmsil edəcək
Moskva, 9 mart, AZƏRTAC
Rusiyanı “Eurovision-2021” yarışmasında tacik əsilli müğənni Manizha təmsil edəcək.
AZƏRTAC xəbər verir ki, ölkənin birinci kanalında keçirilən bu ilin “Eurovision” müsabiqəsinə namizədlər arasında baxışda Manije Sangin “Rus qadını” mahnısı ilə qalib gəlib. O, mayın 18-22-də Rotterdamda keçiriləcək mahnı müsabiqəsində Rusiyanı təmsil edəcək.
Manizha əslən tacikdir, Rusiya vətəndaşıdır. O, müğənni, bəstəkar və prodüser olmaqla yanaşı, həm də ictimai xadimdir. Manizha qadınlara qarşı zorakılıqla mübarizə hərəkatının üzvü, BMT-nin qaçqınların işləri üzrə xoşməramlı səfiridir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
