Saatlıda pirotexniki vasitələr satan şəxs saxlanılıb
Saatlı, 19 dekabr, Aydın Yavərzadə, AZƏRTAC
Saatlı Rayon Polis Şöbəsinin əməkdaşlarının keçirdikləri tədbirlərlə gizli şəkildə pirotexniki vasitələrin satışını təşkil edən K.Aliyev saxlanılıb.
AZƏRTAC-ın bölgə müxbiri xəbər verir ki, həmin şəxsin idarə etdiyi avtomobildən müxtəlif növ pirotexniki və tezalışan vasitələr aşkarlanaraq götürülüb.
Şöbə əməkdaşları tərəfindən adıçəkilən şəxslər barəsində protokol tərtib edilib və baxılması üçün məhkəməyə göndərilib.
Bu istiqamətdə tədbirlər davam etdirilir.
Bölmənin digər xəbərləri
