“Sabah” ispaniyalı futbolçu ilə yollarını ayırıb
Bakı, 17 iyun, AZƏRTAC
"Sabah" komandası futbolçusu Con İrasabal ilə yollarını ayırıb.
Klubdan AZƏRTAC-a verilən məlumata görə, ispaniyalı müdafiəçi ilə mövsümün sonunda başa çatan müqavilənin müddəti yenilənməyib.
Qeyd edək ki, 2022-ci ildən “Sabah”ın formasını geyinən C.İrasabal bu komandanın heyətində 98 oyunda meydana çıxıb, 6 qola imza atıb. O, Bakı klubu ilə birlikdə Azərbaycan Kubokunu, Premyer Liqada isə gümüş və bürünc medalları qazanıb.
Bölmənin digər xəbərləri
