SABİRABADDA SUBASMA İLƏ ƏLAQƏDAR KÖÇÜRÜLMÜŞ DÖRD KƏNDİN ƏHALİSİ ÖZ EVLƏRİNƏ QAYITMIŞDIR
Bakı, 17 may (AZƏRTAC). Kür çayının daşması ilə əlaqədar Sabirabad rayonunun subasmaya məruz qalmış ərazilərindən köçürülərək Şirvan şəhəri ərazisində məskunlaşmış 4 kəndinin 1000-ə yaxın əhalisi artıq öz evlərinə qayıtmışdır.
Çadırlarda məskunlaşmış əhalinin evlərinə qaytarılması üçün kifayət qədər yük avtomobili ayrılmışdır. Çöl Ağaməmmədli, Sərxanbəyli, Əliləmbəyli, Bala Həşimxanlı kəndlərinin sakinləri artıq öz evlərindədirlər.
Evlərinə qayıtmış əhaliyə Fövqəladə Hallar Nazirliyi tərəfindən ərzaq və digər zəruri yardımlar göstərilmişdir. Səhiyyə Nazirliyinin həkim briqadaları da müntəzəm olaraq kəndlərin əhalisinə tibbi xidmətlər göstərirlər.
Bölmənin digər xəbərləri
