Şabranda minik avtomobili yük maşını ilə toqquşub, iki nəfər ölüb
Şabran, 18 may, Elxan Yusifli, AZƏRTAC
Mayın 18-i gecə saatlarında Şabranda iki nəfərin ölümü ilə nəticələnən ağır yol-nəqliyyat hadisəsi baş verib.
AZƏRTAC xəbər verir ki, qəza Bakı-Quba yolunun Şabran rayonu ərazisindən keçən hissəsində qeydə alınıb. Əks istiqamətdə hərəkət zolağına çıxan “AzSamand” markalı minik avtomobili qarşıdan gələn yük maşını ilə toqquşub.
Qəza zamanı avtomobilin sürücüsü, 22 yaşlı Bakı şəhəri Xəzər rayonu Şüvəlan qəsəbəsi sakini Zeynalzadə Akif Səlahət oğlu və kimliyi hələ müəyyənləşdirilməmiş qadın sərnişin aldıqları ağır xəsarətlərdən hadisə yerində ölüblər.
Faktla bağlı araşdırma aparılır.
Bölmənin digər xəbərləri
