Şahbuz rayonunda meyvə bağlarından 5 min 214 ton məhsul yığılıb
Şahbuz, 30 noyabr, AZƏRTAC
Muxtar respublikanın Şahbuz rayonunda meyvə bağlarından 5 min 214 ton məhsul yığılıb.
AZƏRTAC-ın Naxçıvan bürosu xəbər verir ki, bundan əlavə bar verən üzüm bağlarından 172 ton məhsul yığılıb. Bu da 1 noyabr 2019-cu illə müqayisədə 1,2 faiz çoxdur.
Şahbuz Rayon Statistika İdarəsinin məlumatına əsasən, 1675 hektar dənli və dənli paxlalı bitkilərin əkini sahəsindən 4 min 583 ton məhsul tədarük edilib.
Rayonda bu il 2019-cu ilin yanvar-oktyabr ayları ilə müqayisədə ət istehsalı 1,6 faiz, süd istehsalı 1,5 faiz, yumurta istehsalı 1,3 faiz, yun istehsalı 1,1 faiz artıbdır.
Bölmənin digər xəbərləri
