SƏBAİL RAYON İCRA HAKİMİYYƏTİNİN NÜMAYƏNDƏLƏRİ DÖVLƏT MÜSTƏQİLLİYİ GÜNÜ MÜNASİBƏTİLƏ HƏRBİ HİSSƏLƏRDƏ OLMUŞLAR

17.10.2006 [19:08]
Çap et
A⁺ A^-

AZƏRTAC xəbər verir ki, Dövlət Müstəqilliyi günü münasibətilə Səbail Rayon İcra Hakimiyyətinin nümayəndələri Ağdam rayonundakı “N” saylı hərbi hissədə olmuş, Vətən qarşısında öz borcunu ləyaqətlə yerinə yetirən döyüşçülərlə görüşmüş, onların gündəlik həyatı və xidməti ilə yaxından tanış olmuşlar.

Zabit, gizir, çavuş və əsgərləri bayram münasibətilə təbrik edən Səbail rayon icra hakimiyyətinin nümayəndələri müstəqil dövlətimizin ümummilli lider Heydər Əliyevin rəhbərliyi ilə əldə etdiyi nailiyyətlərdən, Azərbaycan Prezidenti, Ali Baş Komandan İlham Əliyevin fəaliyyətinin 3 ili ərzində görülmüş işlərdən, ordu quruculuğu sahəsində həyata keçirilmiş islahatlardan söhbət açmışlar.

Sonra mədəniyyət və insənət ustaları əsgərlər qarşısında konsert proqramı ilə çıxışlar etmiş, Vətənin keşiyində duran qəhrəmanlara xoş ovqat bəxş etmişlər. Keçirilən tədbir hərbi hissənin şəxsi heyətində xoş təəssürat yaratmışdır.

Rayon icra hakimiyyətindən bildirmişlər ki, bu cür görüşlər Səbail rayonunda yerləşən 2 hərbi hissədə də təşkil olunmuşdur.