Səfir: Azərbaycan-Qazaxıstan iqtisadi əməkdaşlığı fəal şəkildə inkişaf edir
Bakı, 7 aprel, AZƏRTTAC
Azərbaycanla Qazaxıstan arasında iqtisadi əlaqələr sürətli və fəal şəkildə inkişaf edir, genişlənir.
AZƏRTAC xəbər verir ki, bunu Azərbaycanın Qazaxıstandakı fövqəladə və səlahiyyətli səfiri Ağalar Atamoğlanov Azərbaycan-Qazaxıstan Ekspert Şurasının ikinci iclasına həsr olunmuş dəyirmi masa zamanı onlayn çıxışında deyib.
Səfir ölkələrimiz arasında ikitərəfli münasibətlərin inkişafı və beynəlxalq təşkilatlar çərçivəsində əməkdaşlığa toxunaraq bildirib: "Qazaxıstanla ikitərəfli münasibətlərin inkişafı və beynəlxalq təşkilatlar çərçivəsində əməkdaşlıq ölkəmizin xarici siyasət kursunda prioritet istiqamətlərdən biridir, münasibətlərimizin inkişafı üçün bütün ilkin şərtlər mövcuddur. İqtisadi və siyasi əlaqələrin inkişaf etdirilməsi üçün ölkələrimiz yüksək iqtisadi potensiala, enerji resurslarına, əlverişli coğrafi mövqeyə və digər amillərə malikdir”.
Səfir ikitərəfli görüşlərin, eləcə də bugünkü dəyirmi masanın nəticələrinin Azərbaycan ilə Qazaxıstan arasında münasibətlərin inkişafına müsbət təsir göstərəcəyinə ümidvar olduğunu söyləyib.
Bölmənin digər xəbərləri
