Səkinə Əliyeva: İllərlə gözlədiyimiz bir anın hüquqi bazası, çərçivəsi yaranır
Bakı, 3 iyun, AZƏRTAC
İşğaldan azad olunmuş ərazilərə qayıtma və mülkiyyət hüququnun verilməsi ayrıca hüquqi aktla, yəni Azərbaycan Respublikası Prezidenti tərəfindən müəyyən edilmiş qayda ilə tənzimlənəcək. Əsas məsələ budur.
AZƏRTAC xəbər verir ki, bunu Milli Məclisin Əmək və sosial siyasət, İnsan hüquqları və Hüquq siyasəti və dövlət quruculuğu komitələrinin birgə iclasında Ədliyyə Nazirliyinin Qanunvericilik baş idarəsi rəisinin müavini Səkinə Əliyeva deyib.
O bildirib ki, Mənzil Məcəlləsində, “Qaçqınların və məcburi köçkünlərin (ölkə daxilində köçürülmüş şəxslərin) statusu haqqında” və “Məcburi köçkünlərin və onlara bərabər tutulan şəxslərin sosial müdafiəsi haqqında” qanunlarda dəyişiklik edilməsi barədə qanun layihəsinin həqiqətən geniş mənəvi bir tərəfi var. Çünki illərlə gözlədiyimiz bir anın hüquqi bazası, çərçivəsi yaranır.
Bölmənin digər xəbərləri
