Şəmkirdə insan orqanizminə zərərli olan duzlar satışdan çıxarılmışdır
Şəmkir, 30 noyabr (AZƏRTAC). Azad İstehlakçılar Birliyi əməkdaşlarının apardıqları yoxlamalar nəticəsində Şəmkir rayonunda insan orqanizminə zərərli olan külli miqdarda duz aşkar edilmiş və satışdan çıxarılmışdır.
Birliyin eksperti İsaq Həsənovun AZƏRTAC-a verdiyi məlumata görə, Ukrayna markası altında əhaliyə satılan bu duzlar yodlaşdırılmadığından, insan sağlamlığı üçün məqbul sayılmır və kustar üsulla qablaşdırıldığından bu duzların tərkibində radioaktiv və orqanizm üçün təhlükəli olan birləşmələrin də olması mümkündür.
Yoxlamalar zamanı aşkar edilmiş 50 tondan artıq duz satışdan çıxarılaraq məhv edilmişdir.
Bölmənin digər xəbərləri
