Sinoptiklərdən xəbərdarlıq: Havanın temperaturu tədricən 3-5° enəcək
Bakı, 20 iyul, AZƏRTAC
Həftəsonunadək Bakıda və Abşeron yarımadasında küləkli hava şəraiti davam edəcək. Şimal-qərb küləyi əsəcək, 15-20 metr/saniyə, iyulun 20-22-də isə arabir saniyədə 23-28 metr olacaq. Havanın temperaturu tədricən 3-5° enəcək.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.
İyulun 22-si gündüz şimal və qərb rayonlarından başlayaraq iyulun 25-i gündüzədək bəzi yerlərdə şimşək çaxacağı, fasilələrlə yağış yağacağı gözlənilir. Qərb küləyi əsəcək, sürəti arabir 15-20 metr/saniyə, bəzi yerlərdə isə arabir saniyədə 23-28 metr olacaq. Çaylarda sululuğun artacağı proqnozlaşdırılır. Havanın temperaturu tədricən 3-5° enəcək.
Bölmənin digər xəbərləri
