ŞİRKƏT XARİCDƏ KADR HAZIRLIĞINA BAŞLAYIR
AZƏRTAC xəbər verir ki, Azərbaycan Respublikası Dövlət Neft Şirkəti (ARDNŞ) Prezident İlham Əliyevin təşəbbüsü ilə ölkəmizin neft sənayesinin yüksək hazırlıqlı mütəxəssislərlə təmin olunmasına xidmət edən Təqaüd Proqramı həyata keçirir. Proqramın mahiyyəti ARDNŞ-nin maliyyəsi hesabına neft sənayesinin tələbatına uyğun ixtisaslar üzrə beynəlxalq səviyyəli, ən müasir tələblərə cavab verən, yeni iqtisadi prosesləri, beynəlxalq hüququ yüksək səviyyədə bilən, son model texnologiyalarla işləmək bacarığına malik mütəxəssislər hazırlanmasından ibarətdir. Bu məsələ Proqramın Əsasnaməsi ilə tənzimlənir. Əsasnaməyə görə, Proqram üzrə müsabiqədə uğur qazanmış namizədlərin göndəriləcəyi universitetlərin siyahısı hər il oktyabrın 15-dək ARDNŞ-nin kadr hazırlığı üzrə komissiyası tərəfindən müəyyənləşdirilir. Hazırda müsabiqənin qalibi olmuş 3 tələbənin dünya üzrə ilk yerlərdə dayanan universitetlərə yerləşdirilməsi üçün iş aparılır. Şirkət tələbələrin nəqliyyat, yaşamaq xərclərini ödəyəcək, onlara aylıq təqaüd verəcək, tibbi sığortanı təmin edəcəkdir.
Bölmənin digər xəbərləri
