Son bir ayda Gəncədəki Heydər Əliyev parkında 22 min ağac əkilmişdir
Gəncə, 30 aprel (AZƏRTAC). Hər həftənin şənbə və bazar günləri Gəncədəki Heydər Əliyev parkında ağacəkmə kampaniyasının keçirilməsi ənənəyə çevrilmişdir.
Növbəti iməcilikdə də şəhər sakinləri həvəslə iştirak etmiş, 5 min hektara yaxın ərazidə 9 min 500 ədədə yaxın küknar, Eldar şamı, şərq çinarı, cökə və müxtəlif meyvə ağacları əkmişlər.
Səhər saatlarından başlayan iməcilikdə şəhərin idarə və müəssisələrindən minlərlə insan könüllü olaraq parka gəlmiş, yaşıllaşdırma ilə yanaşı, bir sıra abadlıq işlərini də yerinə yetirmişlər.
Gəncə şəhər mənzil-kommunal təsərrüfatı idarəsinin rəisi Elgün Məmmədovun AZƏRTAC-a verdiyi məlumata görə, bir aydır ki, parkın ərazisində yaşıllaşdırma işləri aparılır. Bu müddətdə parkda 22 min ağac əkilmişdir.
Bölmənin digər xəbərləri
