Son gündə Qırğızıstanda koronavirusa 298 nəfər yoluxub
Bişkek, 12 oktyabr, AZƏRTAC
Qırğızıstanda COVID-19-a yoluxanların sayı azalmır. Son gündə ölkədə virusa yoluxanların sayı 298 nəfər olub. Bu günədək isə infeksiyalı xəstələrin ümumi sayı 49 min 528 nəfərə çatıb.
AZƏRTAC Qırğızıstanın Koronavirusla bağlı Respublika Qərargahına istinadla xəbər verir ki, son 24 saat ərzində ölkədə 127 xəstə sağalıb, evə buraxılanların sayı 44 min 522 nəfərdir. Son 24 saat ərzində 22, ümumiyyətlə isə 3 min 437 tibb işçisində koronavirus aşkar olunub.
Xəstəxanalarda 1737, ev şəraitində 1725 pasiyentin müalicə olunduğu bildirilir.
Qeyd edilib ki, son gün ərzində 5 xəstə ölüb və koronavirusdan həyatını itirənlərin sayı 1090 nəfərə çatıb.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
