Sosial könüllülər Kəngərli və Babək rayonlarında yaşayan tənha ahılları ziyarət ediblər
Naxçıvan, 1 aprel, AZƏRTAC
Muxtar respublikanın sosial könüllüləri Kəngərli rayonunun Böyükdüz və Babək rayonunun Nehrəm kəndlərində yaşayan ahılları ziyarət edib, onların evlərində mövsümi xəstəliklərə qarşı qabaqlayıcı təmizlik və dezinfeksiya işləri aparıblar.
AZƏRTAC-ın Naxçıvan bürosu xəbər verir ki, “Badamlı” mineral sular zavodunun nümayəndələri də könüllülərlə birgə ahılları ziyarət edib, onlara sovqat aparıblar. Həmçinin ziyarətçilər gətirdikləri tibbi-profilaktik ləvazimatları da ahıllara təqdim ediblər.
Ahıllar onlara göstərilən diqqət və qayğıya görə dövlətimizə və könüllülərə minnətdarlıqlarını bildiriblər.
Qeyd edək ki, bu cür tədbirlər muxtar respublikanın digər rayonlarında da keçirilir.
Bölmənin digər xəbərləri
