Stokholmda Xocalı soyqırımının 20 illiyi ilə bağlı tədbir keçirilmişdir
Bakı, 25 fevral (AZƏRTAC). İsveç-Azərbaycan Federasiyasının təşkilatçılığı ilə Stokholmda Xocalı soyqırımının 20 illiyi ilə bağlı tədbir keçirilmişdir.
Federasiyadan AZƏRTAC-a bildirmişlər ki, tədbirdə Xocalı faciəsi və ermənilər tərəfindən azərbaycanlılara qarşı törədilmiş digər cinayətlər barədə ətraflı məlumat verilmişdir.
Tədbirdə çıxış edən azərbaycanlı alim, professor Aygün Attar 1992-ci il fevralın 25-dən 26-na keçən gecə Xocalı şəhərində həyata keçirilən soyqırımı aktından danışmışdır.
Tədbirdə çıxış edənlər dünyanın heç bir faciəsi ilə müqayisə olunmayacaq bu qətliamın dəhşətlərindən, ermənilərin azərbaycanlılara qarşı həyata keçirdikləri etnik təmizləmə siyasətindən bəhs etmişlər.
Sonda Xocalı soyqırımı ilə bağlı çəkilmiş sənədli film nümayiş etdirilmişdir.
Bölmənin digər xəbərləri
