SU TƏCHİZATINDA FASİLƏLƏR ELEKTRİK ENERJİSİ ŞƏBƏKƏSİNDƏ GƏRGİNLİYİN AŞAĞI DÜŞMƏSİ İLƏ ƏLAQƏDARDIR
Bakı şəhərinin ayrı-ayrı yaşayış massivlərinin su təchizatında fasilələr nasos stansiyalarına elektrik enerjisi verən şəbəkədə gərginliyin tez-tez aşağı düşməsi ilə əlaqədardır. Əksər hallarda şəbəkədə gərginlik nasosların normal işləməsi üçün tələb olunan 380 volta çatmır.
Bakı Su Kəməri İstehsalat Birliyindən AZƏRTAC-a bildirmişlər ki, hazırda su yaşayış binalarına fasilələrlə və dəyişkən cədvəllə verilir.
Bu il İsveçrə hökumətinin ayırdığı 10 milyon İsveçrə frankı məbləğində qrant hesabına alınmış 180 məhəlləarası nasos stansiyası yenidən qurulmuşdur ki, bu da paytaxtın 350 min sakininin su təchizatını yaxşılaşdırmağa imkan vermişdir. Nasos avadanlığı ilə birlikdə onlarca kilometr uzunluğunda məhəlləarası subölüşdürücü xətlər də dəyişdirilmişdir.
Bölmənin digər xəbərləri
