“Sülh çeşməsi” antiterror əməliyyatı nəticəsində son bir ayda 711 terrorçu zərərsizləşdirilib

09.03.2021 [14:17]
Çap et
A⁺ A^-

İstanbul, 9 mart, AZƏRTAC

Türkiyə Silahlı Qüvvələrinin və Suriya Milli Ordusunun birgə həyata keçirdiyi “Sülh çeşməsi” antiterror əməliyyatı zamanı son bir ayda 711 terrorçu zərərsizləşdirilib. Onlardan 574-nün PKK/YPG, 137-nin isə İŞİD üzvü olduğu müəyyənləşdirilib.

AZƏRTAC xəbər verir ki, Suriyada Fərat çayının şərqində aparılan əməliyyatlarda bu müddətdə 71 terror aktının qarşısı alınıb. Əməliyyatlarda bir tondan artıq partlayıcı maddə, kustar üsulla hazırlanan 284 əl qumbarası, 19 qumbaraatan və çoxlu sayda silah-sursat ələ keçirilib. Həmçinin terrorçulara aid 324 tunel yararsız vəziyyətə gətirilib.

Əməliyyatlar davam etdirilir.

Günel Məlikova

AZƏRTAC-ın xüsusi müxbiri

İstanbul