SUMQAYITDA ELEKTRİK STANSİYASININ TİKİNTİSİ ÜÇÜN MÜSABİQƏ ELAN OLUNMUŞDUR

28.10.2004 [19:18]
Çap et
A⁺ A^-

“Azərenerji” SC-nin mətbuat xidmətindən AZƏRTAC-ın müxbirinə bildirmişlər ki, Sumqayıtda müasir buxar-qaz qurğusunun (BQQ) tikintisi layihəsi üçün baş podratçının müəyyənləşdirilməsinə dair təkliflər zərfinin açılışı olmuşdur. Namizədlər oxşar tikinti işlərində sanballı təcrübəsi olan üç xarici şirkətdir.

Rusiyanın “Silovıye maşinı” şirkəti gücü 475 meqavat-saat olan BQQ tikməyi təklif edir ki, bu da, ekspertlərin fikrincə, 260 milyon avroya başa gələcəkdir. Almaniyanın Siemens şirkətinin təklif etdiyi qurğunun gücü 506 meqavat-saat, dəyəri 249 milyon avrodur. İranın Sunir şirkəti isə gücü 497 meqavat-saat olan qurğunu 253 milyon avroya tikəcəyini bildirir.

Hazırda müsabiqə komissiyası şirkətlərin texniki və maliyyə təkliflərini müzakirə edir. Müsabiqənin şərtlərinə görə, qalib şirkət işləri tam görməli, habelə yeni BQQ-nı istismar edəcək texniki heyəti hazırlamalıdır.

SUMQAYITDA ELEKTRİK STANSİYASININ TİKİNTİSİ ÜÇÜN MÜSABİQƏ ELAN OLUNMUŞDUR

MÜƏLLİFLƏ ƏLAQƏ

Bölmənin digər xəbərləri