ŞUŞANIN İŞĞALININ İLDÖNÜMÜNƏ HƏSR OLUNMUŞ YIĞINCAQ KEÇİRİLMİŞDİR

11.05.2004 [15:41]
Çap et
A⁺ A^-

AZƏRTAC-ın müxbiri xəbər verir ki, görkəmli Azərbaycan bəstəkarı Üzeyir Hacıbəyovun ev muzeyində Ermənistan silahlı qüvvələri tərəfindən Şuşanın işğal olunmasının 12-ci ildönümünə həsr edilmiş yığıncaq keçirilmişdir.

Muzeyin direktoru Səadət Qarabağlı ermənilər tərəfindən Şuşanın işğal edilməsinin ictimai-siyasi səbəblərindən danışmış, Üzeyir Hacıbəyovun məqalələrində ermənilərin iyrənc xislətinin ifşası ilə bağlı parçaları diqqətə çatdırmışdır. Şuşalıların doğma yurd-yuvalarına qayıdacaqlarına inamlarını vurğulayan natiq, yazıçı Gülhüseyn Hüseynoğlunun “Üzeyirin gözü yoldadır” mənsur şerini oxumuşdur.

Axırda “Şuşa” və “Haray” sənədli filmləri nümayiş etdirilmişdir.