TACIKISTANDA KEÇIRILƏCƏK PREZIDENT SEÇKILƏRINDƏ 5 NAMIZƏD IŞTIRAK EDƏCƏKDİR
AZƏRTAC-ın xüsusi müxbiri xəbər verir ki, noyabrın 6-da Tacikistanda keçiriləcək prezident seçkilərində iştirak etmək üçün Mərkəzi Seçki Komissiyası daha 2 namizədin sənədlərini qeydə almışdır. Bunlar Aqrar və Sosialist partiyalarının sədrləri Amir Karakulov və Abduxalim Qafarovdur.
Bundan əvvəl isə Mərkəzi Seçki Komissiyası indiki prezident, Xalq Demokratik Partiyasının sədri Emoməli Rəhmanovun, İqtisadi İslahatlar Partiyasının rəhbəri Alim Babayevin və Tacikistan Kommunist Partiyası sədrinin müavini İsmayıl Talbakovun namizədliyini qeydə almışdı. Beləliklə noyabrın 6-da keçiriləcək prezident seçkilərində 5 namizəd iştirak edəcəkdir. Emoməli Rəhmanov 1994-cü il noyabrın 5-də prezident seçilmiş, 1999-cu ildə keçirilən seçkilərdə yenidən qələbə qazanmışdır.
Bölmənin digər xəbərləri
