TANINMIŞ İDMANÇININ YUBİLEY GECƏSİ
Bədən Tərbiyəsi və İdman Akademiyasında tanınmış idmançı, əməkdar idman ustası Camal Yaqubovun 70 və əmək fəaliyyətinin 50 illiyinə həsr olunmuş yubiley gecəsi keçirilmişdir.
Akademiyanın rektoru Ağacan Abiyev mərasimi açaraq, yunan-Roma güləşi üzrə idman ustası adına layiq görülmüş ilk azərbaycanlı olan Camal Yaqubovun idman fəaliyyətindən danışmış və bildirmişdir ki, o, həm də güləşə dair bir çox metodik vəsaitin müəllifi kimi də tanınır.
Gecədə Azərbaycan Güləş Federasiyasının, müxtəlif ali məktəblərin adından yübilyarın ünvanına təbriklər səslənmişdir.
Akademiyada yunan-Roma güləşinin tədrisi metodikası məsələlərinə dair elmi-nəzəri konfrans da keçirilmiş, bakalavr və magistrlərin məruzələri dinlənilmişdir. Konfrans iştirakçıları öz təcrübəsini böyük həvəslə onlarla bölüşən miüəllimləri Camal Yaqubovu təbrik etmişlər.
Bölmənin digər xəbərləri
