Təhsil naziri IX sinif şagirdinə baş çəkib
Bakı, 10 sentyabr, AZƏRTAC
Sentyabrın 10-da Təhsil naziri Emin Əmrullayev üç gün əvvəl müxtəlif bədən xəsarətləri ilə xəstəxanaya yerləşdirilən Bakı şəhəri 313 nömrəli tam orta məktəbin şagirdi Solmaz Hacıyevaya baş çəkib.
Təhsil Nazirliyindən AZƏRTAC-a bildiriblər ki, məktəblinin müalicəsinin gedişi ilə maraqlanan nazir E.Əmrullayev şagirdin valideynləri və həkimlərlə görüşərək onlarla söhbət edib.
E.Əmrullayev şagirdin tez sağalması və normal həyata qayıtması üçün lazımi dəstək göstəriləcəyini bildirib, ona Allahdan şəfa diləyib.
Bölmənin digər xəbərləri
