Təhsil Nazirliyi: Gürcüstana 22 minə yaxın dərslik və metodik vəsait göndərilib
Bakı, 22 sentyabr, AZƏRTAC
Yeni tədris ilinin başlanması ilə əlaqədar Təhsil Nazirliyi tərəfindən Gürcüstanın Azərbaycan dilində tədris aparılan məktəblərinə 23 adda 21 min 613 ədəd dərslik və metodik vəsait göndərilib.
Təhsil Nazirliyindən AZƏRTAC-a bildirilib ki, dərs vəsaitləri sentyabrın 22-də nazirliyin və ölkəmizin Gürcüstandakı səfirliyinin əməkdaşlarının müşayiəti ilə bu ölkənin Təhsil, Elm, Mədəniyyət və İdman Nazirliyinə təhvil verilib.
Son 5 ildə Təhsil Nazirliyi tərəfindən Gürcüstanın Azərbaycan dilində tədris aparılan məktəblərinə 94 min 762 ədəd dərslik və metodik vəsait göndərilib.
Bölmənin digər xəbərləri
