“Təmiz Binəqədi” sosial layihəsi çərçivəsində növbəti təmizlik aksiyası keçirilib
Bakı, 31 iyul (AZƏRTAC). “Bakı 2015” birinci Avropa Oyunları ərəfəsində start götürmüş “Təmiz Binəqədi” sosial layihəsi çərçivəsində rayon icra hakimiyyəti Yeni Azərbaycan Partiyası Binəqədi rayon təşkilatı ilə birgə rayon icra hakimiyyəti təmizlik aksiyasını həyata keçirib.
AZƏRTAC xəbər verir ki, aksiyada rayon icra hakimiyyəti başçısı aparatının əməkdaşları ilə yanaşı, Yeni Azərbaycan Partiyası Binəqədi rayon təşkilatının fəal gəncləri də iştirak ediblər.
Paytaxtın 8-ci mikrorayonundakı Şövkət Məmmədova küçəsindən başlayan, İbrahimpaşa Dadaşov küçəsində davam edən və Nizami Nərimanov küçəsində yekunlaşan təmizlik aksiyası zamanı ərazi tullantılardan təmizlənib.
Aksiyanın sonunda tədbir iştirakçıları sakinlərlə birgə çay süfrəsi ətrafında məhəllə parkında verilən konsertə tamaşa ediblər.
Bölmənin digər xəbərləri
