“The Guardian”ın Misirdəki müxbirinin akkreditasiyası ləğv edilib
Qahirə, 18 mart, AZƏRTAC
İngiltərənin “The Guardian” nəşrinin Misirdəki müxbiri Ruts Mikelsonun akkreditasiyası ləğv edilib və bu ölkədə koronavirusa yoluxanlar barədə saxta məlumat yaydığına görə qəzetdən üzr istəməsi tələb olunub.
AZƏRTAC xəbər verir ki, bu bəyanatı Misirdə əcnəbi jurnalistlərin fəaliyyətini tənzimləyən Dövlət İnformasiya Sistemi yayıb.
Bəyanatda bildirilir ki, saxta məlumat yayan ABŞ-ın “The New York Times” qəzetinin Misir bürosunun rəhbəri Diklen Valşa da xəbərdarlıq edilib.
Qeyd olunub ki, bu günədək Misirdə koronavirusa 196 nəfərin yoluxduğu və onlardan altısının həyatını itirdiyi barədə rəsmi məlumatlara baxmayaraq, “The Guardian”ın müxbiri Ruts Mikelson kanadalı həkimə istinadla ölkədə 19 mindən çox COVID-19 xəstəsinin olduğunu yazıb və sosial şəbəkədə bu saxta məlumatı paylaşıb. Hər iki nəşrin təmsilçiləri Dövlət İnformasiya Sisteminin ofisinə dəvət olunub və onlara izah edilib ki, insanlar üçün həyəcanlı bir vaxtda saxta rəqəmlər yaymaq jurnalist etikasına sığmır.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
