Tovuz meşəçiləri peşə bayramlarını qeyd etmişlər
Tovuz, 23 may (AZƏRTAC). Tovuz rayonunun meşə təsərrüfatı işçiləri peşə bayramlarını qeyd etmişlər. AZƏRTAC xəbər verir ki, rayon meşə mühafizəsi və bərpası müəssisəsinin kollektivi əvvəlcə ümummilli lider Heydər Əliyevin xatirəsini ehtiramla yad edərək, abidəsi önünə gül dəstələri qoymuşlar.
Müəssisənin direktoru Məhəmməd Tağıyev kollektivin üzvlərini Ekologiya və Təbii Sərvətlər Nazirliyi işçilərinin peşə bayramı münasibətilə təbrik edərək bildirmişdir ki, təbiətin qorunması, insanların sağlam mühitdə yaşaması və təbii sərvətlərdən xalqın rifahının yaxşılaşdırılması naminə istifadə olunması hazırda ölkədə aparılan sosial-iqtisadi islahatlarda mühüm yer tutur. Bu məqsədlə yeni yaşıllıqlar salınır, flora və faunanın mühafizəsi istiqamətində davamlı tədbirlər həyata keçirilir.
Qeyd edilmişdir ki, bu ilin yazında rayonda daha 40 hektar ərazidə yeni meşə salınmış və beləliklə də meşə fondu 36 min hektara çatdırılmışdır.
Tədbirdə meşə təsərrüfatı işçilərinin bir qrupuna fəxri fərmanlar təqdim olunmuşdur.
Bölmənin digər xəbərləri
